4225 ۔ حضرت انس بن مالک (رض) بیان کرتے ہیں : پہلے لوگ اپنی وصیت کے آغاز میں یہ لکھوایا کرتے تھے : یہ وہ وصیت ہے جو فلاں بن فلاں نے کی ہے ‘ وہ اس بات کی گواہی دیتا ہے کہ اللہ تعالیٰ کے علاوہ اور کوئی معبود نہیں ہے ‘ وہ ایک معبود ہے ‘ اس کا کوئی شریک نہیں ہے ‘ حضرت محمد (صلی اللہ علیہ وآلہ وسلم) اس کے خاص بندے اور اس کے رسول ہیں ‘ قیامت آنے والی ہے اور اس میں کوئی شک نہیں ہے اور اللہ تعالیٰ قبروں میں موجودسب لوگوں کو زندہ کرے گا۔ پھر وہ اپنے پس ماندگان کو یہ تلقین کرتا کہ وہ اللہ تعالیٰ سے ڈرتے رہیں اور آپس میں صلح سے کام لیں ‘ اللہ تعالیٰ اور اس کے رسول کی فرمان برداری کریں ‘ اگر وہ ایمان رکھتے ہیں اور وہ ان کو یہ وصیت کررہا ہے جو حضرت ابراہیم (علیہ السلام) نے اپنے بیٹوں کو کی تھی کہ اے میرے بیٹو ! بیشک اللہ تعالیٰ نے تمہارے لیے ایک دین کو اختیار کرلیا ہے ‘ تو جب تم مرنے لگو ‘ تو مسلمان ہونا۔