4224 ۔ حضرت عبداللہ بن عباس (رض) ‘ اللہ تعالیٰ کے اس فرمان کے بارے میں نقل کرتے ہیں :” اور جب نبی نے اپنی کسی بیوی سے سرگوشی میں کوئی بات کہی “۔
وہ فرماتے ہیں : سیدہ حفصہ (رض) نے نبی اکرم (صلی اللہ علیہ وآلہ وسلم) کو دیکھا ‘ آپ اس وقت حضرت ابراہیم (رض) کی والدہ (سیدہ ماریہ قبطیہ (رض)) کے ساتھ موجود تھے ‘ نبی اکرم (صلی اللہ علیہ وآلہ وسلم) نے فرمایا : تم اس بارے میں عائشہ کونہ بتانا ‘ نبی اکرم (صلی اللہ علیہ وآلہ وسلم) نے ان سے یہ بھی فرمایا : تمہارے والد اور اس کے والد عنقریب حکمران بن جائیں گے۔ (راوی کو شک ہے شایدیہ الفاظ ہیں :) میرے بعد حکومت کریں گے ‘ تم عائشہ کو یہ بات نہ بتانا۔ سیدہ حفصہ (رض) گئیں اور انھوں نے حضرت عائشہ (رض) کو یہ بات بتادی تو اللہ تعالیٰ نے نبی اکرم (صلی اللہ علیہ وآلہ وسلم) کو اس بارے میں آگاہ کردیاتو سمجھ بات بتادی اور کچھ بات بیان نہیں کی ‘ انھوں نے اس بارے میں یہ بات بیان کی : تمہارے والد اور اس کے والد میرے بعد (حکومت کریں گے) ۔ نبی اکرم (صلی اللہ علیہ وآلہ وسلم) کو یہ بات اس لیے ناپسند ہوئی کہ یہ بات لوگوں میں پھیل نہ جائے ‘ اسی لیے آپ نے یہ بات بیان نہیں کی۔