4294 ۔ حضرت عائشہ صدیقہ (رض) بیان کرتی ہیں : میرے چچا افلح بن ابوالقعیس نے حجاب کا حکم نازل ہوجانے کے بعد میرے ہاں اندر آنے کی اجازت مانگی تو میں نے انھیں اجازت نہیں دی۔ وہ نبی اکرم (صلی اللہ علیہ وآلہ وسلم) کی خدمت میں حاضر ہوئے (بعد میں) میں نے نبی اکرم (صلی اللہ علیہ وآلہ وسلم) سے اس بارے میں دریافت کیا تو آپ (صلی اللہ علیہ وآلہ وسلم) نے ارشاد فرمایا : تم نے اسے اجازت دے دینی تھی کیونکہ وہ تمہارا چچا ہے۔ میں نے عرض کی : یارسول اللہ ! مجھے عورت نے دودھ پلایا ہے مجھے مردنے دودھ نہیں پلایا۔ نبی اکرم (صلی اللہ علیہ وآلہ وسلم) نے ارشاد فرمایا : تم نے اسے اجازت دے دینی تھی کیونکہ وہ تمہارا چچا ہے۔