4295 ۔ سیدہ عائشہ صدیقہ (رض) بیان کرتی ہیں کہ ابوالقعیس کے بھائی افلح آئے اور ان کے ہاں اندر آنے کی اجازت مانگی ‘ وہ سیدہ عائشہ (رض) کے رضاعی بھائی تھے ‘ یہ حجاب کا حکم نازل ہونے کے بعد کی بات ہے۔ سیدہ عائشہ (رض) بیان کرتی ہیں : میں نے انھیں اجازت دینے سے انکار کردیا ‘ جب نبی اکرم (صلی اللہ علیہ وآلہ وسلم) آئے تو میں نے آپ کو اپنے طرزعمل کے بارے میں بتایاتو آپ نے ہدایت کی کہ میں انھیں (گھر کے اندر آنے کی) اجازت دے دیا کروں۔