4489 ۔ حضرت زید بن خالد (رض) بیان کرتے ہیں کہ ایک شخص نبی اکرم (صلی اللہ علیہ وآلہ وسلم) کے پاس آیا اور اس نے عرض کی : آپ گم شدہ اونٹ کے بارے میں کیا فرماتے ہیں ؟ تو نبی اکرم (صلی اللہ علیہ وآلہ وسلم) غصے میں آگئے ‘ آپ کے رخسارسرخ ہوگئے ‘ آپ (صلی اللہ علیہ وآلہ وسلم) نے فرمایا : تمہارا اس کے ساتھ کیا واسطہ ہے ! اس کے پاؤں اور اس کا پیٹ اس کے ساتھ ہے۔ وہ خود ہی پانی تک پہنچ جائے گا اور درختوں سے پتے کھالے گا ‘ یہاں تک کہ اس کا مالک تک آجائے گا۔ اس نے عرض کی : پھر آپ گم شدہ بکری کے بارے میں کیا فرماتے ہیں ؟ تو آپ (صلی اللہ علیہ وآلہ وسلم) نے فرمایا : تم اسے پکڑلو ‘ کیونکہ یا وہ تمہیں ملے گی یا تمہارے کسی بھائی کو ملے گی یاپھربھیڑیئے کو مل جائے گی۔