زہری بیان کرتے ہیں : میں نے عروہ سے ایسے شخص کے بارے میں دریافت کیا جو صحبت کرتا ہے، لیکن اسے انزال نہیں ہوتا تو عروہ نے جواب دیا : لوگوں کی رائے یہ ہے، وہ نبی اکرم (صلی اللہ علیہ وآلہ وسلم) کے آخری حکم کو اختیار کرتے ہیں۔
سیدہ عائشہ صدیقہ (رض) نے مجھے یہ بات بتائی ہے : نبی اکرم (صلی اللہ علیہ وآلہ وسلم) پہلے ایسا ہی کیا کرتے تھے اور غسل نہیں کرتے تھے، لیکن یہ مکہ فتح ہونے سے پہلے کی بات ہے۔ اس کے بعد آپ نے غسل کرنا شروع کیا اور لوگوں کو بھی (ایسی صورتحال میں) غسل کرنے کی ہدایت کی۔