حضرت عمار بن یاسر (رض) بیان کرتے ہیں : نبی اکرم (صلی اللہ علیہ وآلہ وسلم) میرے پاس تشریف لائے ، میں اس وقت ایک کنوئیں کے کنارے ایک ڈول سے پانی نکال رہا تھا، آپ نے فرمایا : اے عمار ! کیا کررہے ہو ؟ میں نے عرض کی : یارسول اللہ ! میرے ماں باپ آپ پر قربان ہوں ! میں اپنے کپڑے پر لگی ہوئی بلغم کو دھونا چاہ رہا ہوں، تو نبی اکرم (صلی اللہ علیہ وآلہ وسلم) نے ارشاد فرمایا : اے عمار ! کپڑے کو پانچ وجہ سے دھویا جاتا ہے : پاخانہ لگا ہو، پیشاب لگا ہو، قے لگی ہو، خون لگا ہو یا منی لگی ہو۔ اے عمار ! تمہاری بلغم، تمہارے آنسو اور تمہاری چھاگل میں موجود پانی ایک جیسی حیثیت رکھتے ہیں۔
اس روایت کو صرف ثابت بن حماد نے نقل کیا ہے اور یہ بہت زیادہ ضعیف ہے۔ اس روایت کے دو راوی ابراہیم اور ثابت دونوں ضعیف ہیں۔