4750 ۔ حسن نامی راوی نے حضرت علی (رض) کے بارے میں یہ روایت نقل کی ہے کہ نبی اکرم (صلی اللہ علیہ وآلہ وسلم) نے حضرت علی (رض) سے یہ فرمایا تھا : میں تمہیں گھوڑوں کی دوڑکانگران مقررکرتاہوں ‘ حضرت علی (رض) تشریف لے گئے اور انھوں نے حضرت سراقہ بن مالک (رض) کو بلاکرکہا کہ اے سراقہ ! دوڑ میں شامل ہونے والوں کی ذمہ داری میں تمہیں سونپ رہاہوں ‘ جو نبی اکرم (صلی اللہ علیہ وآلہ وسلم) نے ذمہ داری مجھے عطاکی ہے ‘ اس لیے جب تم میطان پہنچو (ابوعبدالرحمن کہتے ہیں : اس سے مراد وہ جگہ ہے جہاں سے دوڑکا آگاز ہونا تھا) توگھوڑوں کی قطار بنانا اور تین مرتبہ یہ اعلان کرنا : کوئی لگام کو ٹھیک کرنے والا ہے ‘ کوئی لڑکے کو اٹھانے والا ہے ‘ کوئی گھوڑے کے سرپر (لگام کا سرا) ڈالنے والا ہے۔ (یعنی اگر نہیں ہے تو دوڑ شروع کی جائے) اگر تمہیں کوئی جواب نہ دے تو تم تین مرتبہ اللہ اکبرکانعرہ لگانا اور اسے چھوڑ دینا ‘ تو اللہ تعالیٰ اپنی مخلوق میں سے جس کے بارے میں چاہے گاجیت کے لیے اس کی مددکرے گا۔
حضرت علی (رض) دوڑ کے آخری نشان کے پاس تشریف فرما ہوجاتے۔ آپ ایک لکیرلگوا دیتے اور اس لکیر کے دونوں کناروں پر دو آدمیوں کو آمنے سامنے کھڑا کردیتے۔ اس لکیرکا کنارہ ان آدمیوں کے پاؤں کے انگوٹھوں کے درمیان ہوتا اور گھوڑا ان دونوں کے درمیان میں سے گزرتا ‘ حضرت علی (رض) ان دونوں آدمیوں سے فرماتے تھے : جب دوگھوڑوں میں سے کوئی ایک گھوڑادوسرے کے مقابلے میں کانوں کے کنارے جتنا یا کان جتنا یاگال جتنا آگے ہوتوتم اسے کامیاب قرار دینا اور اگر تمہیں اس بارے میں شک ہوتوتم دونوں کو کامیاب قرار دینا۔ اور جب تم دو کو برابر قرار دو تو آخری حدا سے بنانا جو دونوں میں سے چھوٹی ہو۔ اسلام میں جلب ‘ جنب اور شغار کی کوئی حقیقت نہیں ہے۔