حضرت انس بن مالک (رض) بیان کرتے ہیں : ایک نابینا شخص کنویں میں گرگیا، نبی اکرم (صلی اللہ علیہ وآلہ وسلم) کے پیچھے (نماز ادا کرنے والے) کچھ لوگ ہنس پڑے تو نبی اکرم (صلی اللہ علیہ وآلہ وسلم) نے ہنسنے والوں کو دوبارہ وضو کرنے اور نماز پڑھنے کا حکم دیا۔
ابو امیہ نامی راوی نے یہ بات بیان کی ہے : حضرت انس (رض) کے حوالے سے یہ بات منقول ہے : نبی اکرم (صلی اللہ علیہ وآلہ وسلم) لوگوں کو نماز پڑھا رہے تھے، اسی دوران ایک نابینا شخص مسجد میں داخل ہوا، وہ ایک کنویں میں گرگیا، نبی اکرم (صلی اللہ علیہ وآلہ وسلم) کے پیچھے کچھ لوگ ہنس پڑے۔ ابن مخلد نامی راوی نے اور حضرت انس (رض) نے اور ابوالعالیہ کے حوالے سے یہ بات نقل کی ہے : نبی اکرم (صلی اللہ علیہ وآلہ وسلم) لوگوں کو نماز پڑھا رہے تھے، مسجد کے درمیان میں ایک کنواں تھا، ایک نابینا شخص آیا، وہ اس میں گرگیا، تو نبی اکرم (صلی اللہ علیہ وآلہ وسلم) کے پیچھے کچھ لوگ نماز پڑھ رہے تھے تو وہ ہنس پڑے، نبی اکرم (صلی اللہ علیہ وآلہ وسلم) نے ہنسنے والوں کو دوبارہ وضو کرنے اور نماز پڑھنے کا حکم دیا۔
ابو امیہ نامی راوی بیان کرتے ہیں : یہ حدیث منکر ہے۔
شیخ ابوالحسن فرماتے ہیں : اس روایت کو سلام نامی راوی سے عبدالرحمن نامی راوی نے نقل کیا ہے، یہ شخص متروک ہے جو احادیث وضع کرتا ہے۔ اس روایت کو داؤد بن محبر نے نقل کیا ہے، یہ شخص بھی متروک ہے، جو احادیث وضع کرتا ہے، اس نے اس روایت کو ایوب کے والے سے نقل کیا ہے، جو ضعیف ہے، انھوں نے قتادہ کے حوالے سے حضرت انس (رض) سے نقل کیا ہے۔