ابوالملیح اپنے والد کے حوالے سے نقل کرتے ہیں : ہم نبی اکرم (صلی اللہ علیہ وآلہ وسلم) کی اقتداء میں نماز ادا کررہے تھے، اسی دوران ایک نابینا شخص آیا جو گڑھے میں گرگیا، یعنی جو کنواں مسجد میں موجود تھا، تو نبی اکرم (صلی اللہ علیہ وآلہ وسلم) کے پیچھے موجود بعض لوگ ہنس پڑے، تو نبی اکرم (صلی اللہ علیہ وآلہ وسلم) نے ہنسنے والوں کو دوبارہ وضو کرنے اور نماز پڑھنے کا حکم دیا۔
اس حدیث کا راوی حسن بن دینار ، متروک الحدیث ہے۔ اس روایت کو عبدالرحمن بن عمرو نے بھی نقل کیا ہے ، یہ راوی بھی متروک الحدیث ہے، انھوں نے اس روایت کو سلام نامی راوی کے حوالے سے قتادہ کے حوالے سے، ابوالعالیہ کے حوالے سے، حضرت انس بن مالک (رض) سے روایت کیا ہے۔