663 ۔ حضرت ابوجہم (رض) بیان کرتے ہیں : نبی کریم (صلی اللہ علیہ وآلہ وسلم) جمل کے کنویں کی طرف تشریف لا رہے تھے ، شاید پاخانہ کرکے یا پیشاب کر کے آ رہے تھے میں نے آپ کو سلام کیا ، آپ (صلی اللہ علیہ وآلہ وسلم) نے میرے سلام کا جواب نہ دیا ، پھر آپ (صلی اللہ علیہ وآلہ وسلم) نے اپنا دست مبارک دیوار پر پھیرا اور اس کے ذریعے اپنے چہرہ مبارک اور دونوں بازؤوں کا مسح کیا (یعنی تیمم کیا ) پھر آپ نے مجھے سلام کا جواب دیا۔ یہی روایت ایک اور سند کے ہمراہ حضرت ابو جہم (رض) کے حوالے سے نبی کریم (صلی اللہ علیہ وآلہ وسلم) کے بارے میں منقول ہے۔