664 ۔ نافع بیان کرتے ہیں ایک مرتبہ میں حضرت عبداللہ بن عمر (رض) کے کسی کام کے سلسلے میں حضرت عبداللہ بن عمر (رض) کے ہمراہ حضرت عبداللہ بن عباس (رض) کی خدمت میں حاضر ہوا ، جب حضرت عبداللہ بن عمر (رض) نے اپنا مقصد بیان کردیا تو اس کے بعد اس دن کی گفتگو میں انھوں نے یہ بات بیان کی ایک مرتبہ ایک شخص نبی کریم (صلی اللہ علیہ وآلہ وسلم) کے پاس سے گزرا یہ گلی کی بات ہے نبی کریم (صلی اللہ علیہ وآلہ وسلم) اس وقت پاخانہ کرکے یاپیشاب کر کے تشریف لائے تھے اس شخص نے آپ کو سلام کیا، آپ (صلی اللہ علیہ وآلہ وسلم) نے اس کو جواب نہ دیا، یہاں تک کہ وہ شخص گلی سے باہر نکلنے والا تھا کہ نبی کریم (صلی اللہ علیہ وآلہ وسلم) نے اپنے دست مبارک دیوار پر پھیر کر اپنے چہرے کا مسح کیا پھر دوبارہ پھیر کر اپنے دونوں بازوؤں کا مسح کیا (یعنی تیمم کیا) پھر آپ نے اس کے سلام کا جواب دیا پھر آپ (صلی اللہ علیہ وآلہ وسلم) نے ارشاد فرمایا میں نے تمہیں اس لیے سلام کا جواب نہیں دیا، کیونکہ میں باوضو حالت میں نہیں تھا۔