730 ۔ ہمام نامی راوی بیان کرتے ہیں : حضرت جریر (رض) نے پیشاب کیا پھر وضو کرتے ہوئے موزوں پر مسح کرلیا تو ان سے کہا گیا آپ نے ایسا کیا ہے پہلے آپ پیشاب کرچکے ہیں (آپ کو وضو میں پاؤں بھی دھونے چاہیے) انھوں نے جواب دیا میں نے نبی کریم (صلی اللہ علیہ وآلہ وسلم) کو دیکھا آپ (صلی اللہ علیہ وآلہ وسلم) نے پہلے پیشاب کیا پھر اس کے بعد آپ نے وضو کیا اور دونوں موزوں پر مسح کیا۔
اعمش نامی راوی بیان کرتے ہیں : ابراہیم یہ فرماتے ہیں ان لوگوں کو یہ حدیث بہت پسند تھی اس کی وجہ یہ ہے حضرت جریر (رض) نے سورة مائدہ نازل ہونے کے بعد اسلام قبول کیا تھا۔ عیسیٰ بن یونس نامی راوی نے اپنی روایت میں یہ نقل کیا ہے :
ان سے کہا گیا : اے ابوعمرو ! آپ ایسا کررہے ہیں ، آپ نے پہلے پیشاب کیا ہے تو انھوں نے جواب دیا مجھے اس بات سے کون سی چیز منع کرے گی جب کہ میں نے نبی کریم (صلی اللہ علیہ وآلہ وسلم) کو اپنے موزوں پر مسح کرتے ہوئے دیکھا ہے۔ حضرت عبداللہ بن مسعود (رض) کے شاگردوں کو یہ روایت بہت پسند تھی کیونکہ حضرت جریر (رض) نے سورة مائدہ کے نازل ہونے کے بعد اسلام قبول کیا تھا۔