731 ۔ ہمام بن حارث بیان کرتے ہیں : میں نے حضرت جریر (رض) کو دیکھا انھوں نے وضو کے برتن سے وضو کیا اور پھر اپنے موزوں پر مسح کرلیا، ان سے دریافت کیا گیا آپ اپنے موزوں پر مسح کررہے ہیں ؟ تو انھوں نے جواب دیا میں نے نبی کریم (صلی اللہ علیہ وآلہ وسلم) کو اپنے موزوں پر مسح کرتے ہوئے دیکھا۔ یہ روایت حضرت عبداللہ (رض) کے شاگردوں کو بہت پسند تھی۔
وہ فرمایا کرتے تھے : حضرت جریر (رض) نے سورة مائدہ کے نازل ہونے کے بعد اسلام قبول کیا تھا۔