843 ۔ حضرت عثمان بن ابوالعاص (رض) اپنی بیویوں سے یہ کہا کرتے تھے جب تم میں سے کسی عورت کو نفاس آجائے تو وہ چالیس دن تک میرے قریب نہ آئے البتہ اگر وہ اس سے پہلے طہر دیکھ لے تو اس کا حکم مختلف ہے۔ اس روایت کو نقل کرنے میں بھی اختلاف ہے بعض راویوں نے حضرت عثمان بن ابوالعاص (رض) تک موقوف روایت کے طور پر نقل کی ہے۔
اسی طرح یہ روایت حضرت عمر (رض) حضرت عبداللہ بن عباس (رض) ، حضرت انس بن مالک (رض) اور دیگر حضرات کے حوالے سے ان کے اپنے قول کے طور پر منقول ہے۔