856 ۔ عبدالرحمن بن غنم بیان کرتے ہیں : میں نے حضرت معاذ بن جبل (رض) سے ایسی حائضہ عورت کے بارے میں دریافت کیا جو سورج غروب ہونے سے تھوڑی دیر پہلے پاک ہوجاتی ہے تو انھوں نے فرمایا وہ عصر کی نماز ادا کرے گی میں نے دریافت کیا جو شفق غروب ہونے سے پہلے پاک ہوجائے تو انھوں نے فرمایا وہ مغرب کی نماز ادا کرے گی میں نے دریافت کیا اگر وہ صبح صادق ہونے سے پہلے پاک ہوگئی ؟ انھوں نے فرمایا وہ عشاء کی نماز ادا کرے گی میں نے دریافت کیا جو سورج طلوع ہونے سے پہلے پاک ہوجائے تو انھوں نے فرمایا وہ صبح کی نماز ادا کرے گی نبی کریم (صلی اللہ علیہ وآلہ وسلم) نے ہمیں یہی ہدایت کی تھی ہم عورتوں کو یعنی اپنی خواتین کو اس بات کی تعلیم دیں۔
اس روایت کو محمد بن سعید نامی راوی نے نقل کیا ہے یہ شخص متروک الحدیث ہے۔