871 ۔ حضرت ابوہریرہ (رض) بیان کرتے ہیں : نبی کریم (صلی اللہ علیہ وآلہ وسلم) نے ارشاد فرمایا ہر وہ ذی حیثیت کام جس کے آغاز میں اللہ کی حمد بیان نہ کی جائے وہ نامکمل ہوتا ہے۔ اس روایت کو زہری کے حوالے سے نقل کرنے میں قرہ نامی راوی منفرد ہے۔ راوی بیان کرتے ہیں دیگر راویوں نے زہری کے حوالے سے اسے مرسل روایت کے طور پر بیان کیا ہے اور قرہ نامی راوی اس حدیث میں مستند نہیں ہے۔
اس روایت کو دیگر راویوں نے عبدالرحمن بن کعب کے حوالے سے ان کے والد کے حوالے سے نبی کریم (صلی اللہ علیہ وآلہ وسلم) سے نقل کیا ہے اور یہ روایت مستند نہیں ہے۔ صدقہ اور محمد بن سعید نامی راوی دونوں ضعیف ہیں اور اس روایت کا مرسل طور پر منقول ہونا ہی درست ہے۔