978 ۔ عبدالرحمن بن رافع کے بارے میں منقول ہے : ایک مرتبہ موذن نے عصر کی اذان دی ، اس نے اذان ذرا جلدی دے دی، تو حضرت عبدالرحمن بن رافع نے اسے ملامت کرتے ہوئے فرمایا : تمہارا ستیاناس ہو ! میرے والد نے (جو صحابی رسول تھے ) مجھے یہ بات بتائی ہے : نبی کریم (صلی اللہ علیہ وآلہ وسلم) نے لوگوں کو عصر کی نماز تاخیر سے ادا کرنے کا حکم دیا ہے۔
یہی روایت بعض دیگراسناد کے ہمراہ بھی منقول ہے ، جبکہ بعض دیگر صحابہ کرام سے اس کے برعکس منقول ہے ، اس سے ثابت ہوتا ہے نبی کریم (صلی اللہ علیہ وآلہ وسلم) نے عصر کی نماز جلدی ادا کرنے کی ہدایت کی ہے ، حضرت رافع بن خدیج کے حوالے سے صحیح روایت یہ (درج ذیل) ہے۔