979 ۔ ابونجاشی بیان کرتے ہیں : حضرت رافع بن خدیج (رض) نے مجھے یہ حدیث سنائی ہے وہ فرماتے ہیں : ہم لوگ نبی کریم (صلی اللہ علیہ وآلہ وسلم) کے ساتھ عصر کی نماز اد ا کرتے تھے پھر اس کے بعد اونٹ قربان کیا جاتا تھا، اس کے گوشت کے دس حصے کیے جاتے تھے پھرا نہیں پکایاجاتا تھا اور سورج غروب ہونے سے پہلے ہم بھنا ہوا گوشت کھا بھی لیتے تھے۔
ابونجاشی نامی راوی کا نام عطاء بن صہیب ہے ، یہ ثقہ اور مشہور ہے ، یہ چھ سال تک حضرت رافع بن خدیج کی خدمت میں رہا ہے ، اس کے حوالے سے عکرمہ بن عمار، امام اوزاعی ، ایوب اور دیگر حضرات نے احادیث نقل کی ہیں۔
اس راوی کی نقل کردہ روایت جو حضرت رافع بن خدیج سے منقول ہے ، یہ اس روایت سے زیادہ بہتر ہے ، جسے عبدالواحد نامی راوی نے حضرت رافع کے صاحبزادے حوالے سے نقل کیا ہے باقی اللہ بہترجانتا ہے۔