980 ۔ عروہ بیان کرتے ہیں : میں نے حضرت بشیر بن ابومسعود کو یہ بیان کرتے ہوئے سنا ہے : حضرت ابومسعود انصاری (رض) نے نبی کریم (صلی اللہ علیہ وآلہ وسلم) کے بارے میں یہ بات نقل کی ہے : آپ (صلی اللہ علیہ وآلہ وسلم) جب عصر کی نماز ادا کرتے تھے اس وقت سورج چمکدار اور بلند ہوتا تھا، کوئی شخص نماز سے فارغ ہونے کے بعد سورج غروب ہونے سے پہلے ذوالحلیفہ پہنچ سکتا تھا جو چھ میل کے فاصلے پر تھا۔
حضرت رافع بن خدیج (رض) بیان کرتے ہیں ، نبی کریم (صلی اللہ علیہ وآلہ وسلم) نے یہ بات ارشاد فرمائی ہے کیا میں تمہیں منافق کی نماز کے بارے میں نہ بتاؤں ، وہ عصر کی نماز کو موخر کرتا رہتا ہے یہاں تک کہ گائے کے منہ مارنے کی طرح سے ادا کرتا ہے۔