Ibn Majah: Hadith 2960

جابر (رض) سے روایت ہے کہ جب رسول اللہ ﷺ بیت اللہ کے طواف سے فارغ ہوئے تو مقام ابراہیم کے پاس آئے، عمر (رض) نے عرض کیا : اللہ کے رسول ! یہ ہمارے باپ ابراہیم کی جگہ ہے جس کے متعلق اللہ تعالیٰ نے فرمایا ہے : واتخذوا من مقام إبراهيم مصلى مقام ابراھیم کو نماز کی جگہ بناؤ، ولید کہتے ہیں کہ میں نے مالک سے کہا : کیا اس کو اسی طرح (بکسر خاء) صیغہ امر کے ساتھ پڑھا ؟ انہوں نے کہا : ہاں ١ ؎۔ تخریج دارالدعوہ : سنن ابی داود/الحروف ١ (٣٩٦٩) ، سنن الترمذی/الحج ٣٨ (٨٥٦) ، سنن النسائی/الحج ١٦٣ (٢٩٦٤) ، (تحفة الأشراف : ٢٥٩٥) ، وقد أخرجہ : صحیح مسلم/الحج ١٥ (١٢٦٣) ، سنن الدارمی/المناسک ٣٤ (١٨٩٢) (صحیح) (یہ حدیث مکرر ہے، ملاحظہ ہو : ١٠٠٨ ) وضاحت : ١ ؎: یہی قراءت مشہور ہے، اور بعضوں نے واتخَذوا خاء کے فتحہ کے ساتھ پڑھا ہے، یہ صیغہ ماضی یعنی انہوں نے مقام ابراہیم کو مصلیٰ بنایا۔