Ibn Abi Shaybah: Hadith 10904

(١٠٩٠٥) حضرت عبداللہ فرماتے ہیں کہ میں حضور اکرم (صلی اللہ علیہ وآلہ وسلم) کی خدمت میں حاضر ہوا اس وقت آپ کو بخار تھا، میں نے حضور اقدس (صلی اللہ علیہ وآلہ وسلم) کو چھوا اور پھر عرض کیا اے اللہ کے رسول ! آپ کو تو بہت تیز بخار ہے۔ آپ (صلی اللہ علیہ وآلہ وسلم) نے فرمایا جی ہاں مجھے تم میں سے دو آدمیوں کے برابر بخار دیا جاتا ہے۔ میں نے عرض کیا یہ اس وجہ سے ہے کہ آپ کے لیے دو اجر ہیں ؟ آپ (صلی اللہ علیہ وآلہ وسلم) نے فرمایا : ہاں ! قسم ہے اس ذات کی جس کے قبضہ قدرت میں میری جان ہے زمین پر کوئی مسلمان نہیں جس کو کوئی تکلیف پہنچے مگر (اس کے بدلے) اللہ تعالیٰ اس کے گناہوں کو ایسے گراتے ہیں جیسے درخت اپنے پتوں کو گراتے ہیں۔