Ibn Abi Shaybah: Hadith 17945

(١٧٩٤٦) حضرت ثابت (رض) اور اسماعیل بن عبداللہ بن ابی طلحہ (رض) فرماتے ہیں کہ حضرت ابو طلحہ (رض) نے حضرت ام سلیم (رض) کوپیامِ نکاح بھیجا۔ انھوں نے کہا کہ اے ابو طلحہ ! کیا تم نہیں جانتے کہ جن معبودوں کی تم پوجا کرتے ہو وہ ایک محض ایک لکڑی ہے جو زمین سے اگتی ہے اور اسے فلاں حبشی نے اگایا ہے۔ ابو طلحہ (رض) نے جواب دیا واقعی بات تو یوں ہی ہے۔ حضرت ام سلیم (رض) نے کہا کہ پھر تمہیں اس سے شرم کیوں نہیں آتی، تم اسلام قبول کرلو، تمہارا اسلام کو قبول کرنا ہی میرا مہر ہوگا۔ حضرت ابو طلحہ (رض) نے سوچنے کے لیے وقت مانگا پھر آئے اور کہا کہ میں گواہی دیتا ہوں کہ اللہ کے سوا کوئی معبود نہیں اور محمد (صلی اللہ علیہ وآلہ وسلم) اللہ کے رسول ہیں۔ حضرت ام سلیم (رض) نے اپنے بیٹے حضرت انس (رض) سے فرمایا کہ اے انس اٹھو اور ابو طلحہ سے میرا نکاح کرادو۔ چنانچہ انھوں نے نکاح کرادیا۔