Ibn Abi Shaybah: Hadith 19701

(١٩٧٠٢) حضرت مدرک بن عوف احمسی (رض) کہتے ہیں کہ میں حضرت عمر (رض) کے پاس تھا کہ نعمان بن مقرن (رض) کا قاصد آیا۔ حضرت عمر (رض) نے اس سے مجاہدین کی صورت حال پوچھی تو اس نے بتایا کہ فلاں فلاں شخص شہید ہوگئے اور کچھ ایسے لوگ بھی شہید ہوئے جنہیں میں نہیں جانتا۔ اس شخص نے کہا کہ اے امیر المؤمنین ! ایک آدمی ایسا بھی تھا جو خود کو موت کے لیے پیش کررہا تھا۔ اس پر حضرت مدرک بن عوف (رض) نے کہا کہ اے امیر المؤمنین ! خدا کی قسم وہ میرے ماموں تھے۔ لوگوں کا خیال ہے کہ انھوں نے خود کو اپنے ہاتھوں ہلاکت میں ڈالا۔ حضرت عمر (رض) نے فرمایا کہ یہ لوگ جھوٹ کہتے ہیں یہ ان لوگوں میں سے ہے جنہوں نے دنیا کے بدلے آخرت کو خرید لیا۔