Ibn Abi Shaybah: Hadith 19745

(١٩٧٤٦) حضرت انس بن مالک (رض) فرماتے ہیں کہ ان کے چچا کسی وجہ سے غزوہ بدر میں شریک نہ ہو سکے۔ انھوں نے کہا کہ میں رسول اللہ (صلی اللہ علیہ وآلہ وسلم) کی معیت میں پہلی لڑائی میں تو شریک نہ ہوسکا، لیکن اگر اللہ نے مجھے دوبارہ کافروں سے لڑنے کا موقع دیا تو اللہ تعالیٰ دیکھ لے گا کہ میں کیا کرتا ہوں ! پھر غزوہ أحد میں جب مسلمان بکھر گئے تو میرے چچا نے کہا کہ اے اللہ ! میں مسلمانوں کے قتل پر تجھ سے معافی مانگتا ہوں اور کافروں کے قتل پر برأت کا اظہار کرتا ہوں۔ پھر وہ آگے بڑھے تو انھیں احد کے پاس حضرت سعد (رض) ملے۔ حضرت سعد (رض) نے ان سے کہا کہ میں آپ کے ساتھ ہوں۔ حضرت سعد (رض) فرماتے ہیں کہ جیسی لڑائی انھوں نے کی میں ایسی لڑائی کی طاقت نہ رکھتا تھا۔ ان کے جسم میں بیس سے زیادہ تلواروں، نیزوں اور تیروں کے نشان تھے۔ ہم ان کے اور ان کے ساتھیوں کے بارے میں کہا کرتے تھے کہ یہ آیت ان کے بارے میں نازل ہوئی ہے : (ترجمہ)” ان میں سے بعض نے تو اپنی منت کو پورا کردیا اور بعض انتظار کر رہے ہیں۔ “ (الاحزاب : ٢٣)