Ibn Abi Shaybah: Hadith 24036

(٢٤٠٣٧) حضرت علی سے روایت ہے، کہتے ہیں کہ مجھے کچھ شکایت تھی کہ نبی کریم (صلی اللہ علیہ وآلہ وسلم) میرے پاس تشریف لائے اور میں (اس وقت) کہہ رہا تھا۔ اگر میری موت کا وقت آچکا ہے تو تُو مجھے راحت دے دے اور اگر میری موت کا وقت ابھی دیر سے ہے تو پھر تو مجھے شفا دے دے یا عافیت بخش دے اور اگر یہ آزمائش ہے تو پھر تو مجھے صبر کی توفیق دے دے۔ حضرت علی کہتے ہیں کہ آپ (صلی اللہ علیہ وآلہ وسلم) نے مجھ سے پوچھا ” تم کیا کہہ رہے ہو ؟ “ حضرت علی کہتے ہیں، میں نے یہ بات آپ (صلی اللہ علیہ وآلہ وسلم) کے سامنے بھی کہی۔ حضرت علی کہتے ہیں۔ آپ (صلی اللہ علیہ وآلہ وسلم) نے اپنا ہاتھ مجھ پر پھیرا پھر فرمایا : ’ ’ اے اللہ ! اس کو شفا دے دے۔ “ یا فرمایا، اس کو عافیت دے دے، پس اس کے بعد مجھے یہ تکلیف کبھی نہ ہوئی۔