Ibn Abi Shaybah: Hadith 31908

(٣١٩٠٩) حضرت ابراہیم اس عورت کے بارے میں فرماتے ہیں جو اپنی ماں ، حقیقی بہن، باپ شریک بھائی اور دادا کو چھوڑ جائے کہ اس کے بارے میں حضرت زید (رض) نے یہ فیصلہ فرمایا ہے کہ ماں کے لیے مال کا چھٹا حصّہ ، دادا کے لیے بقیہ مال کے دو پانچویں حصّے اور بہن کے لیے بقیہ مال کے تین پانچویں حصّے ہیں، بھائی نے اپنی بہن پر مال لوٹا دیا مگر وہ خود کسی چیز کا وارث نہ ہوگا، اور اس بارے میں حضرت عبداللہ (رض) نے یہ فیصلہ فرمایا کہ بہن کے لیے تین حصّے ، ماں کے لیے ایک حصّہ اور دادا کے لیے بھی ایک حصّہ ہے، اور حضرت علی (رض) اس مسئلے کے بارے میں فرماتے ہیں کہ حقیقی بہن کے لیے تین حصّے اور ماں کے لیے ایک حصّہ ہے، اور دو حصّے باقی بچے جن میں سے ایک حصّہ دادا کے لیے اور ایک بھائی کے لیے ہے۔
اس طرح یہ مسئلہ حضرت علی (رض) اور زید (رض) کے فرمان کے مطابق چھ حصّوں سے اور حضرت عبداللہ (رض) کے فرمان میں پانچ حصّوں سے نکلے گا۔