Ibn Abi Shaybah: Hadith 32624

(٣٢٦٢٥) حضرت محمد (صلی اللہ علیہ وآلہ وسلم) فرماتے ہیں کہ دو آدمیوں نے حضرت عثمان (رض) کا ذکر کیا پس ان میں سے ایک کہنے لگا۔ ان کو شہید کردیا گیا ، تو دوسرا اس کو پکڑ کر حضرت علی (رض) کے پاس لے آیا اور کہنے لگا : بلاشبہ یہ شخص کہتا ہے کہ یقیناً حضرت عثمان (رض) کو شہید کردیا گیا تھا ! آپ (رض) نے فرمایا : تم نے یہ کہا ہے ؟ اس شخص نے کہا : جی ہاں ! کہا آپ (رض) کو یاد نہیں وہ دن جب میں نبی کریم (صلی اللہ علیہ وآلہ وسلم) کی خدمت میں حاضر ہوا اور حضرت ابوبکر اور حضرت عمر اور حضرت عثمان (رض) آپ (صلی اللہ علیہ وآلہ وسلم) کے پاس تھے۔ پس میں نے نبی کریم (صلی اللہ علیہ وآلہ وسلم) سے مانگا تو آپ (صلی اللہ علیہ وآلہ وسلم) نے مجھے عطا فرمایا : اور میں نے حضرت ابوبکر (رض) سے سوال کیا تو انھوں نے بھی مجھے عطا فرمایا : اور میں نے حضرت عمر (رض) سے سوال کیا تو انھوں نے بھی مجھے عطا فرمایا : اور میں نے حضرت عثمان (رض) سے سوال کیا تو انھوں نے بھی مجھے عطا کیا۔ پس میں نے عرض کی۔ اے اللہ کے رسول 5! میرے لیے برکت کی دعا فرما دیجئے اللہ مجھے برکت عطا کرے۔ آپ (صلی اللہ علیہ وآلہ وسلم) نے فرمایا : تجھے برکت کیوں نہیں دی جائے گی حالانکہ تجھے ایک نبی، اور ایک صدیق اور دو شہیدوں نے عطا کیا ہے ؟ ! پس حضرت علی (رض) نے فرمایا : اس کو چھوڑ دو ، اس کو چھوڑ دو ، اس کو چھوڑ دو ۔