Ibn Abi Shaybah: Hadith 32669

(٣٢٦٧٠) حضرت زید بن وھب (رض) فرماتے ہیں کہ دو آدمی حضرت عبداللہ بن مسعود (رض) کی خدمت میں حاضر ہوئے پھر ان دونوں میں سے ایک کہنے لگا : آپ اس آیت کو کیسے پڑھتے ہیں ؟ تو حضرت عبداللہ (رض) نے اس سے پوچھا : تمہیں یہ آیت کس نے پڑھائی ؟ اس نے کہا : حضرت ابو حکیم المزنی نے ۔ اور آپ (رض) نے دوسرے سے پوچھا : تمہیں یہ آیت کس نے پڑھائی ؟ اس نے کہا : مجھے حضرت عمر (رض) نے پڑھائی۔ آپ (رض) نے فرمایا : تم پڑھو جیسا کہ حضرت عمر (رض) نے تمہیں پڑھایا ، پھر رونے لگے یہاں تک کہ آپ (رض) کے آنسو کنکریوں پر گرنے لگے۔ پھر فرمایا : بلاشبہ حضرت عمر (رض) اسلام کے مضبوط و مستحکم قلعہ تھے جس میں اسلام داخل ہوا اور ان سے نکلا نہیں۔ پس جب حضرت عمر (رض) کا انتقال ہوگیا تو اس قلعہ میں شگاف پڑگیا پس وہ اس سے نکل گیا اور اس میں داخل نہیں ہوا۔