Ibn Abi Shaybah: Hadith 32854

(٣٢٨٥٥) حضرت عبداللہ بن شداد (رض) فرماتے ہیں کہ ان کے والد حضرت شداد (رض) نے ارشاد فرمایا : کہ رسول اللہ (صلی اللہ علیہ وآلہ وسلم) کو نماز کے لیے بلایا گیا۔ تو آپ (صلی اللہ علیہ وآلہ وسلم) اس حال میں تشریف لائے کہ آپ (صلی اللہ علیہ وآلہ وسلم) نے حضرت حسن (رض) اور حضرت حسین (رض) کو اٹھایا ہوا تھا۔ آپ (صلی اللہ علیہ وآلہ وسلم) نے ان کو اپنے پہلو میں بٹھایا ہوا تھا۔ تو آپ (صلی اللہ علیہ وآلہ وسلم) نے ان دونوں کی پیٹھوں کے درمیان اپنی نماز کا سجدہ ادا کیا اور بہت لمبا سجدہ کیا ۔ میرے والد نے کہا : کہ میں نے تمام لوگوں کے درمیان سے سر اٹھایا۔ تو دیکھا ایک بچہ رسول اللہ (صلی اللہ علیہ وآلہ وسلم) کی پیٹھ پر بیٹھا ہوا ہے۔ تو میں نے دوبارہ اپنا سر سجدہ میں رکھ دیا۔ جب رسول اللہ (صلی اللہ علیہ وآلہ وسلم) نے سلام پھیرا تو لوگوں نے پوچھا : اے اللہ کے رسول 5! آج آپ (صلی اللہ علیہ وآلہ وسلم) نے اپنی نماز میں ایسا سجدہ کیا جو آپ (صلی اللہ علیہ وآلہ وسلم) نے کبھی زندگی بھر نہیں کیا۔ کیا آپ (صلی اللہ علیہ وآلہ وسلم) پر کوئی وحی کی جار ہی تھی ؟ آپ (صلی اللہ علیہ وآلہ وسلم) نے فرمایا : نہیں ! بلکہ میرا بیٹا مجھ پر سوار ہوگیا تھا۔ تو میں نے ناپسند کیا کہ میں جلدی سے اٹھ جاؤں یہاں تک کہ وہ اپنی خواہش پوری کرلے۔