Ibn Abi Shaybah: Hadith 32853

(٣٢٨٥٤) حضرت ابن ابی نعیم (رض) فرماتے ہیں کہ میں حضرت ابن عمر (رض) کے پاس بیٹھا ہوا تھا اتنے میں ایک آدمی آیا اور اس نے مچھر کے خون سے متعلق سوال کیا۔ تو حضرت ابن عمر (رض) نے اس سے ارشاد فرمایا : تم کہاں کے ہو ؟ اس نے کہا : کہ میں اہل عراق میں سے ہوں۔ اس پر حضرت ابن عمر (رض) نے فرمایا : اوہ ! لوگو اس کی طرف دیکھو یہ ایک مچھر کے خون کے متعلق مجھ سے سوال کررہا ہے حالانکہ ان لوگوں نے رسول اللہ (صلی اللہ علیہ وآلہ وسلم) کے بیٹے کو قتل کردیا ! اور میں نے رسول اللہ (صلی اللہ علیہ وآلہ وسلم) کو یوں ارشاد فرماتے ہوئے سنا تھا کہ : وہ دونوں میری دنیا کی بہاریں ہیں۔