Ibn Abi Shaybah: Hadith 33569

(٣٣٥٧٠) امام شعبی (رض) فرماتے ہیں کہ حضرت عمر (رض) کے پاس حلولاء مقام سے چھ لاکھ آئے ۔ تو آپ (رض) نے عطیات مقرر کرنا چاہے۔ تو اس بارے میں مشورہ مانگا۔ حضرت عبد الرحمن بن عوف (رض) نے فرمایا : آپ (رض) خود سے ابتدا کریں۔ آپ (رض) اس کے زیادہ حقدار ہیں۔ آپ (رض) نے فرمایا : نہیں ! بلکہ میں ابتدا کروں گا رسول اللہ (صلی اللہ علیہ وآلہ وسلم) کے ان قریبی رشتہ داروں سے جو غزوہ بدر میں شریک ہوئے تھے۔ یہاں تک کہ یہ سلسلہ مجھ تک پہنچ جائے۔ راوی کہتے ہیں : آپ (رض) نے حضرت علی (رض) سے ابتدا فرمائی اور ان کے لیے پانچ ہزار مقرر فرمائے۔ پھر بنو ہاشم میں سے جو غزوہ بدر میں حاضر ہوئے تھے ان کے لیے حصہ مقرر فرمایا۔ پھر ان کے غلاموں کے لیے پھر ان کے حلیفوں کے لیے۔ پھر اقرب فالاقرب کے اعتبار سے۔ یہاں تک کہ یہ معاملہ آپ (رض) تک پہنچ گیا۔