Ibn Abi Shaybah: Hadith 34488

(٣٤٤٨٩) حضرت حمید بن عبد الرحمن حمیری فرماتے ہیں کہ ایک صحابی جن کا نام ” حممہ “ تھا۔ وہ حضرت عمر (رض) کے زمانے میں اصبہان کی طرف جہاد کی نیت سے نکلے۔ انھوں نے اس غزوہ میں دعا کی کہ اے اللہ ! حممہ سمجھتا ہے کہ وہ تجھ سے ملاقات کو پسند کرتا ہے۔ اگر حممہ سچا ہے تو اس کے سچ کو صادر فرمادے اور اگر وہ جھوٹا ہے تو بھی اس کا فیصلہ فرمادے خواہ وہ اس کو ناپسند ہی کیوں نہ کرے۔ اے اللہ ! حممہ کو اس سفر سے واپس نہ بھیج۔ راوی کہتے ہیں کہ بعد ازاں اصبہان میں ان کا انتقال ہوگیا۔ ان کے انتقال کے بعد حضرت ابو موسیٰ (رض) نے خطبہ ارشاد فرمایا اور اس میں کہا کہ اے لوگو ! رسول اللہ (صلی اللہ علیہ وآلہ وسلم) کے ارشادات اور ہمارے علم کے مطابق حممہ شہید ہیں۔