Ibn Abi Shaybah: Hadith 37433

(٣٧٤٣٤) بنی سواء ہ کے ایک صاحب بیان کرتے ہیں کہ میں نے حضرت عائشہ سے کہا۔ مجھے نبی کریم (صلی اللہ علیہ وآلہ وسلم) کے اخلاق کے متعلق خبر دیجئے ؟ حضرت عائشہ نے فرمایا : کیا تم نے قرآن نہیں پڑھا ؟ { وَإِنَّک لَعَلَی خُلُقٍ عَظِیمٍ } فرمایا کہ نبی کریم (صلی اللہ علیہ وآلہ وسلم) اپنے صحابہ کے ہمراہ تشریف فرما تھے۔ میں نے آپ کے لیے کھانا بنایا اور حضرت حفصہ نے بھی آپ (صلی اللہ علیہ وآلہ وسلم) کے لیے کھانا بنایا۔ حضرت حفصہ نے مجھ سے پہل کرلی۔ فرماتی ہیں کہ میں نے لونڈی سے کہا۔ جاؤ اور حفصہ کا پیالہ الٹ دو ۔ فرماتی ہیں کہ حضرت حفصہ نے لونڈی کو اشارہ کیا کہ پیالہ آپ (صلی اللہ علیہ وآلہ وسلم) کے سامنے رکھ دے۔ پس انھوں نے پیالہ کو الٹ دیا۔ پیالہ ٹوٹ گیا اور کھانا بکھر گیا۔ فرماتی ہیں کہ نبی کریم (صلی اللہ علیہ وآلہ وسلم) نے پیالہ کو جمع کیا اور جو کچھ اس میں سے زمین پر گرا تھا اس کو بھی اس میں جمع کیا پھر سب نے کھایا۔ پھر میرا پیالہ گیا تو آپ (صلی اللہ علیہ وآلہ وسلم) نے وہ پیالہ حفصہ کی طرف بھیج دیا اور فرمایا : اپنے برتن کی جگہ یہ برتن لے لو۔ اور جو اس میں ہے اس کو کھالو۔ عائشہ فرماتی ہیں۔ میں نے اس واقعہ (کی وجہ سے) آپ (صلی اللہ علیہ وآلہ وسلم) کے چہرہ میں کچھ نہیں دیکھا۔