(١٤١٧٩) حضرت عکرمہ فرماتے ہیں کہ میں حضرت حسین بن علی کے ساتھ مزدلفہ سے روانہ ہوا، میں آپ سے مسلسل تلبیہ سنتا رہا یہاں تک کہ آپ نے جمرہ کی رمی کرلی، میں نے آپ سے دریافت کیا اے ابو عبداللہ ! تلبیہ کی کیا صورت ہے ؟ آپ نے فرمایا : میں نے اپنے والد حضرت علی سے تلبیہ سنا یہاں تک کہ آپ نے جمرہ کی رمی کرلی، اور انھوں نے مجھ سے بیان کیا کہ حضور اقدس (صلی اللہ علیہ وآلہ وسلم) جمرہ کی رمی کرنے تک تلبیہ پڑھتے رہتے تھے۔