(٢٣٤٤٢) حضرت معاذ (رض) سے مروی ہے کہ آنحضرت (صلی اللہ علیہ وآلہ وسلم) نے جب ان کو یمن کی طرف قاضی بنا کر بھیجا تو ان سے دریافت فرمایا : کیسے فیصلہ کرو گے ؟ حضرت معاذ (رض) نے فرمایا میں کتاب اللہ کے مطابق فیصلہ کروں گا، آپ (صلی اللہ علیہ وآلہ وسلم) نے ارشاد فرمایا اگر کوئی معاملہ ایسا آجائے جو کتاب اللہ میں نہ ہو ؟ حضرت معاذ نے فرمایا میں رسول اللہ (صلی اللہ علیہ وآلہ وسلم) کی سنت کے مطابق فیصلہ کروں گا، آپ (صلی اللہ علیہ وآلہ وسلم) نے ارشاد فرمایا : اگر وہ معاملہ رسول اللہ (صلی اللہ علیہ وآلہ وسلم) کی سنت میں بھی نہ ہو ؟ حضرت معاذ (رض) نے فرمایا میں اپنی رائے کے مطابق فیصلہ کروں گا، آپ (صلی اللہ علیہ وآلہ وسلم) نے ارشاد فرمایا : تمام تعریفیں اس اللہ کے لیے ہیں جس نے رسول اللہ کے قاصد کو اس بات کی توفیق عطاء فرمائی ہے۔