(٢٣٤٤٣) حضرت محمد بن عبید اللہ سے مروی ہے کہ جب آنحضرت (صلی اللہ علیہ وآلہ وسلم) نے حضرت معاذ (رض) کو یمن کی طرف قاضی بنا کر بھیجا تو فرمایا اے معاذ ! کیسے فیصلہ کرو گے ؟ حضرت معاذ نے فرمایا : کتاب اللہ کے مطابق فیصلہ کروں گا، حضور (صلی اللہ علیہ وآلہ وسلم) نے فرمایا : اگر کوئی ایسا معاملہ آجائے جو قرآن میں نہ ہو ؟ حضرت معاذ نے فرمایا : میں رسول (صلی اللہ علیہ وآلہ وسلم) کے فیصلہ کے مطابق فیصلہ کروں گا، آنحضرت (صلی اللہ علیہ وآلہ وسلم) نے فرمایا : اگر کوئی معاملہ ایسا آجائے جو قرآن میں بھی نہ ہو، اور اس کے متعلق نبی (صلی اللہ علیہ وآلہ وسلم) نے بھی فیصلہ نہ کیا ہو اور اس کے متعلق متقدمین نیک لوگوں کا فیصلہ بھی موجود نہ ہو ؟ حضرت معاذ (رض) نے فرمایا میں اپنی کوشش اور رائے سے درست فیصلہ کروں گا، حضور اقدس (صلی اللہ علیہ وآلہ وسلم) نے ارشاد فرمایا : تمام تعریفیں اس اللہ کے لیے ہیں جس نے رسول اکرم (صلی اللہ علیہ وآلہ وسلم) کے قاصد کو اس کے مطابق فیصلہ کرنے کی توفیق دی جس سے رسول اللہ (صلی اللہ علیہ وآلہ وسلم) راضی ہیں۔