(٢٤١٣٣) حضرت ام منذر عدویہ سے روایت ہے، کہتی ہیں کہ نبی کریم (صلی اللہ علیہ وآلہ وسلم) میرے ہاں تشریف لائے اور آپ (صلی اللہ علیہ وآلہ وسلم) کے ساتھ حضرت علی بھی تھے اور وہ صحت یابی کے بعد کمزور تھے۔ ہماری نیم پختہ کھجوریں لٹکی ہوئی تھیں۔ حضرت ام منذر کہتی ہیں۔ پس رسول اللہ (صلی اللہ علیہ وآلہ وسلم) اٹھے اور آپ (صلی اللہ علیہ وآلہ وسلم) نے کھجوریں تناول فرمائیں اور حضرت علی بھی کھڑے ہوئے اور کھانے لگے تو نبی کریم (صلی اللہ علیہ وآلہ وسلم) نے ارشاد فرمایا : ” تم رہنے دو کیونکہ تم کمزور ہو “ راوی کہتے ہیں۔ پس حضرت علی بیٹھ گئے اور نبی کریم (صلی اللہ علیہ وآلہ وسلم) ان کھجوروں میں سے تناول فرماتے رہے، پھر میں (ام منذر) نے ان کے لیے سبزی اور جو پکائے تو نبی کریم (صلی اللہ علیہ وآلہ وسلم) نے حضرت علی سے فرمایا : ” اس میں سے تناول کرو۔ “