(٢٤١٣٤) حضرت جعفر، اپنے والد سے روایت کرتے ہیں۔ انھوں نے فرمایا کہ نبی کریم (صلی اللہ علیہ وآلہ وسلم) کو ہدیہ میں کھجوروں کا ایک طشت پیش کیا گیا اور حضرت علی تب بخار میں تھے۔ راوی کہتے ہیں، پس آپ (صلی اللہ علیہ وآلہ وسلم) نے حضرت علی کی طرف ایک کھجور پھینکی پھر دوسری پھینکی۔ یہاں تک کہ آپ (صلی اللہ علیہ وآلہ وسلم) نے ان کو سات کھجوریں دیں اور پھر آپ (صلی اللہ علیہ وآلہ وسلم) نے اپنا ہاتھ روک دیا اور فرمایا : ” تمہیں یہ کافی ہیں۔ “