(٣٢٥٥٥) حضرت احنف بن قیس نبی (صلی اللہ علیہ وآلہ وسلم) سے روایت کرتے ہیں کہ حضرت داؤد (علیہ السلام) نے فرمایا کہ اے رب ! بنی اسرائیل آپ سے حضرت ابراہیم، اسحاق اور یعقوب ۔ کے واسطے سے دعائیں کرتے ہیں، اے اللہ ! مجھے ان میں سے چوتھا بنادیجئے، چنانچہ اللہ تعالیٰ نے ان کی طرف وحی فرمائی کہ ” ابراہیم کو میری وجہ سے آگ میں ڈالا گیا اور انھوں نے صبر کیا اور تمہیں ایسی آزمائش نہیں آئی، اور اسحاق نے میرے لیے اپنی جان قربان کی، اور صبر کیا، اور یہ آزمائش بھی تم پر نہیں آئی، اور میں نے یعقوب کے محبوب کو لے لیا یہاں تک کہ ان کی آنکھیں سفید ہوگئیں، انھوں نے بھی صبر کیا، اور یہ آزمائش بھی تم پر نہیں آئی۔