(٣٢٦٧٩) حضرت انس (رض) فرماتے ہیں کہ رسول اللہ (صلی اللہ علیہ وآلہ وسلم) نے اپنے صحابہ (رض) سے پوچھا : تم میں سے کون جنازہ میں حاضر ہوا ؟ حضرت عمر (رض) نے عرض کیا : میں۔ آپ (صلی اللہ علیہ وآلہ وسلم) نے فرمایا : تم میں سے کس نے مریض کی عیادت کی ؟ حضرت عمر (رض) نے عرض کیا : میں نے۔ آپ (صلی اللہ علیہ وآلہ وسلم) نے فرمایا : کس نے صدقہ دیا ؟ حضرت عمر (رض) نے عرض کیا : میں نے، آپ (صلی اللہ علیہ وآلہ وسلم) نے فرمایا : تم میں سے کس نے روزے کی حالت میں صبح کی ؟ حضرت عمر (رض) نے عرض کیا : میں نے اس پر رسول اللہ (صلی اللہ علیہ وآلہ وسلم) نے فرمایا : جنت واجب ہوگئی، جنت واجب ہوگئی۔