(٣٢٧٢٣) حضرت محمد بن حاطب (رض) فرماتے ہیں کہ حضرت عثمان (رض) کا ذکر کیا گیا تو حضرت حسن بن علی (رض) نے ارشاد فرمایا : یہ امیر المؤمنین ابھی تمہارے پاس آئیں گے تو وہی تم لوگوں کو ان کے بارے میں بتائیں گے ۔ راوی کہتے ہیں : پس حضرت علی (رض) تشریف لائے ۔ اور فرمایا : کہ حضرت عثمان (رض) ان لوگوں میں سے تھے پھر یہ آیت مکمل تلاوت فرمائی۔ ترجمہ : وہ لوگ ایمان پر قائم رہے اور اچھے کام کیے پھر حرام چیزوں سے بچے اور احکام الٰہی کو مانا پھر تقویٰ اختیار کیا اور اچھے کام کیے ۔ اور اللہ دوست رکھتا ہے اچھے کام کرنے والوں کو۔