(٣٢٨٢٩) حضرت ہشام بن عروہ (رض) فرماتے ہیں کہ حضرت عروہ (رض) نے ارشاد فرمایا : بیشک سب سے پہلا آدمی جس نے اللہ کے راستہ میں تلوار سونتی وہ حضرت زبیر (رض) ہیں۔ یہ خبر اڑا دی گئی ، کہ رسول اللہ (صلی اللہ علیہ وآلہ وسلم) کو پکڑ لیا گیا ہے۔ ! پس حضرت زبیر (رض) نکلے کہ وہ لوگوں کو اپنی تلوار سے چیرتے ہوئے رسول اللہ (صلی اللہ علیہ وآلہ وسلم) کے پاس پہنچے جبکہ آپ (صلی اللہ علیہ وآلہ وسلم) مکہ کے اونچے مقام پر تھے۔ آپ (صلی اللہ علیہ وآلہ وسلم) نے پوچھا : اے زبیر (رض) ! تجھے کیا ہوا ؟ آپ (رض) نے فرمایا : مجھے خبر ملی کہ آپ (صلی اللہ علیہ وآلہ وسلم) کو پکڑ لیا گیا : آپ (صلی اللہ علیہ وآلہ وسلم) نے ان کے حق میں دعائے خیر کی اور ان کی تلوار کے لیے بھی دعا فرمائی۔