(٣٢٨٣٠) حضرت عروہ (رض) فرماتے ہیں کہ رسول اللہ (صلی اللہ علیہ وآلہ وسلم) نے غزوہ خندق کے دن ارشاد فرمایا : کون شخص جائے گا اور میرے پاس بنو قریظہ والوں کی خبر لائے گا ؟ پس حضرت زبیر (رض) سوار ہوئے اور ان کی خبر لائے۔ پھر لوٹے پس آپ (صلی اللہ علیہ وآلہ وسلم) نے تین مرتبہ فرمایا : کون شخص میرے پاس ان کی خبر لے کر آئے گا۔ ہر مرتبہ حضرت زبیر (رض) نے کہا : جی ہاں ! میں لاؤں گا۔
حضرت عروہ (رض) فرماتے ہیں ! آپ (صلی اللہ علیہ وآلہ وسلم) نے حضرت زبیر (رض) کے لیے اپنے والدین کو جمع کیا اور ارشاد فرمایا : تجھ پر میرے ماں ، باپ قربان ہوں۔ اور آپ (صلی اللہ علیہ وآلہ وسلم) نے حضرت زبیر (رض) سے فرمایا : ہر نبی کا ایک حواری ہوتا ہے اور میرے حواری زبیر (رض) ہیں اور وہ میری پھوپھی کے بیٹے ہیں۔