(٣٣٣٢٠) حضرت عمرو بن دینار فرماتے ہیں کہ حضرت بجالہ (رض) عمرو بن اوس اور ابو الشعشاء کو بیان فرما رہے تھے کہ میں حضرت جزء بن معاویہ (رض) کا کاتب تھا ۔ تو ہمارے پاس حضرت عمر بن خطاب (رض) کا خط آیا کہ تم ہر جادو گر اور جادو گرنی کو قتل کردو۔ اور مجوسیوں میں ہر ذی محرم کے درمیان تفریق کردو، اور ان کو کھانے کے دوران بات کرنے سے روک دو ۔ حضرت بجالہ (رض) فرماتے ہیں کہ ہم نے تین جادو گروں کو قتل کیا، اور ہم نے ایک شخص اور اس کی بیوی کے درمیان کتاب اللہ کے مطابق تفریق کردی۔