(٣٨١٠٥) حضرت عبداللہ بن سائب سے روایت ہے کہ فتح مکہ کے دن میں رسول اللہ (صلی اللہ علیہ وآلہ وسلم) کے پاس حاضر ہوا ، آپ (صلی اللہ علیہ وآلہ وسلم) نے کعبہ کی طرف رُخ کر کے نماز پڑھی اور آپ (صلی اللہ علیہ وآلہ وسلم) نے اپنے نعلین مبارک اتار کر اپنے بائیں طرف رکھے پھر آپ (صلی اللہ علیہ وآلہ وسلم) نے سورة المومنون شروع فرمائی۔ پھر جب حضرت عیسیٰ یا موسیٰ کا ذکر (سورۃ) میں آیا تو آپ (صلی اللہ علیہ وآلہ وسلم) کو کھانسی آگئی چنانچہ آپ (صلی اللہ علیہ وآلہ وسلم) نے رکوع فرما لیا۔