(٣٨١٢٠) حضرت ابن عباس روایت بیان کرتے ہیں کہ رسول اللہ (صلی اللہ علیہ وآلہ وسلم) نے مؤتہ کے طرف لشکر روانہ فرمایا اور ان پر حضرت زید کو حاکم مقرر فرمایا اور اگر یہ قتل ہوجائیں تو پھر حضرت جعفر امیر ہوں گے اور اگر یہ بھی قتل ہوجائیں تو پھر ابن رواحہ امیر ہوں گے۔ حضرت ابن رواحہ لشکر سے پیچھے رہ گئے اور انھوں نے جناب نبی کریم (صلی اللہ علیہ وآلہ وسلم) کے ہمراہ جمعہ کی نماز ادا فرمائی چنانچہ آپ (صلی اللہ علیہ وآلہ وسلم) نے ان کو دیکھا اور پوچھا۔ تمہیں کس چیز نے (لشکر سے) پیچھے کردیا ؟ انھوں نے جواب دیا۔ (اس لیے رُکا) تاکہ آپ (صلی اللہ علیہ وآلہ وسلم) کے ہمراہ جمعہ کی نماز ادا کرلوں۔ آپ (صلی اللہ علیہ وآلہ وسلم) نے ارشاد فرمایا : ” اللہ کے راستہ میں ایک صبح یا ایک شام دنیا ومافیہا سے بہتر ہے۔ “