Kanz al-Ummal: Hadith 10342

10338 ۔۔۔ فرمایا کہ ایک شخص نے اپنے اوپر خوب مال خرچ کیا اور جب اس کی موت کا وقت آپہنچا تو اپنے بیٹوں کو وصیت کی کہ جب میں مرجاؤں تو مجھے جلا دینا اور میری راکھ کو پیسنا اور پھر سمندر میں بہا دینا، کیونکہ خدا کی قسم اگر میرا رب مجھ پر قادر ہوگیا تو مجھے وہ عذاب دے گا جو آج تک کسی کو نہ دیا ہوگا، اس کے بیٹوں نے ایسا ہی کیا، اللہ تعالیٰ نے زمین سے فرمایا کہ جو تو نے لیا ہے ادا کردے چنانچہ دیکھتے ہیں دیکھتے وہ شخص دوبارہ زندہ ہو کر اٹھ کھڑا ہوا، اللہ تعالیٰ نے اس سے دریافت فرمایا کہ تجھے اس بات پر کس نے ابھارا ؟ اس نے کہا کہ اے میرے رب میں آپ سے ڈرتا تھا، لہٰذا اللہ تعالیٰ نے اس کو معاف فرمادیا “۔ (مسند احمد ، متفق علیہ بروایت حضرت ابوھریرہ (رض))