Kanz al-Ummal: Hadith 11681

11677 ۔۔۔ عبداللہ بن قیس یا ابن قیس فرماتے ہیں کہ حضرت عمر (رض) جابیہ تشریف لائے اور زمین کو مسلمانوں کے درمیان تقسیم کرنے کا ارادہ کیا تو حضرت معاذ (رض) نے فرمایا کہ (اگر آپ نے ایسا کیا ) تو پھر تو ہوجائے گا جو آپ کو ناپسند ہے، اگر آپ نے زمین کو آج تقسیم کردیا تو زبردست پیداوار ہوگی جو ایسی قوم کے ہاتھ چلی جائے گی جو ہلاک ہوجائے گی اور سب کچھ ایک ہی شخص کے پاس چلا جائے گا، پھر ان کے بعد ایسی قوم آئے گی جو اسلام کا راستہ روکے گی اور انھیں کچھ نہ ملے گا سو ایسا معاملہ کر رنے کی کوشش کریں کہ اس میں ابتداء وانتہاءدونوں کی گنجائش ہو، چنانچہ حضرت عمر (رض) نے حضرت معاذ (رض) کے مشورے کو قبول فرمالیا “۔ (ابوعبید، خرائطی فی مکارم الاخلاق)