Kanz al-Ummal: Hadith 12671

12671 حضرت علی (رض) سے مروی ہے کہ نبی اکرم (صلی اللہ علیہ وآلہ وسلم) نے حضرت فاطمہ (رض) کو ارشاد فرمایا : اے فاطمہ ! اپنی قربانی کے پاس حاضر ہوجاؤ۔ بیشک اس کا پہلا خون کا قطرہ جب گرے گا تیرے سب گناہوں کی بخشش ہوجائے گی اور قیامت کے دن اس قربانی کے جانور کو اس کے گوشت اور خون کے ساتھ ستر گنا بڑھا کر لایا جائے گا اور تیری میزان عمل میں رکھ دیا جائے گا۔ حضرت ابوسعید خدری (رض) نے پوچھا : یارسول اللہ ! کیا یہ حکم خاص آل محمد کے لیے ہیں کیونکہ خیر میں ان کی خصوصیت حاصل ہے یا پھر یہ حکم آل محمد اور تمام لوگوں کے لیے عام ہے ؟ حضور (صلی اللہ علیہ وآلہ وسلم) نے ارشاد فرمایا : یہ (حکم) آل محمد اور تمام لوگوں کے لیے ہے۔
ابن منبع، عبدبن حمید، ابن زنجویہ، الدورقی، ابن ابی الدنیا فی الاضاحی، السنن للبیہقی
کلام : حدیث ضعیف ہے یہ امام بیہقی (رح) کا قول ہے کیونکہ اس کی سند میں عمرو بن خالد ہے اور امام ذھبی (رح) بھی حاکم پر نقد میں دوسری سند سے مروی اس حدیث کو ضعیف قرار دیتے ہیں جیسا کہ 12235 پر روایت گزرچکی ۔